Тіркелу

Біздің сайтымызда, сондай-ақ әуежайда тіркелген кезде «орын таңдау» қызметін сатып алып, өздеріңізге ыңғайлы қатарлас орындарды таңдауларыңызға болады.

Борттағы орынды өзгерту үшін ең алдымен біздің сайтымыздағы «Брондауды басқару» бөлімінде онлайн тіркеуді алып тастап, өзіңізге ыңғайлы (тарифтік пакетке байланысты) таңдау жасасаңыз немесе сатып алсаңыз болады.

Бұл қызмет тегін болып табылады, ұшақта отырғызу орындары бойынша ерекше қалауыңыз болмаса, жүйе сізге кездейсоқ орынды тегін ұсынады. Нақты бір орынды таңдағыңыз келсе, «орын таңдау» қызметін сатып алып, орынды шығуға жақын, өтетін жердің немесе терезенің жанында таңдай аласыз.

Онлайн тіркелуді алып тастау қызметі біздің сайтымыздағы «Брондауды басқару» тарауында қолжетімді.

Комфорт плюс тарифтік пакетімен ресімделген билеттер бойынша премиум қатарларда орын алу үшін орынды брондаған кезінде таңдау керек. Әуежайдағы тіркелу орнына орын таңдамай келсеңіз, премиум қатарлардағы орындарды басқа жолаушылар бұрын сатуы мүмкін болатынына дайын болуыңыз керек. Бұл жағдайда сізге ең жақын қолжетімді қатарда бос орын беріледі.

Біздің сайтымызда «Жолжүк» тарауында flyarystan.com/baggage қол жүк пен жолжүктің салмағы мен өлшемдері бойынша талаптар көрсетілген. Осы талаптарға сәйкес келмеген жағдайда, әуежайда жолжүкті тасымалдау құны салмақтың әр килограмы үшін тарифтеледі, бұл әуекомпанияның сайтында жолжүкті алдын ала сатып алудан бірнеше есе қымбат. Әуекомпанияның веб-сайтында жолжүкті алдын-ала сатып алу кесте бойынша рейстің ұшып шығуына дейін 2 сағат бұрын жабылады.

Әуежайда тіркеу процедурасының аяқталу мерзімі (ұшып шығуға дейін 40 минут бұрын) ҚР заңнамасында белгіленген және әуекомпанияның ережелерінде көрсетілген. Бұл уақыт әуекомпанияға кейіннен әуе кеменің ұшуына байланысты жолаушылардың нақты санын, жолжүктің көлемін және басқа да деректерді көрсете отырып, қажетті ұшу алдындағы тасымалдау құжаттамасын дайындауы үшін беріледі. Рейстердің қауіпсіздігін және уақытылы орындалуын қамтамасыз ету үшін әуежайда тіркеу белгіленген мерзімде, қатаң сәйкестікпен аяқталады. Жолаушы бірнеше минутқа кешігіп қалса, әуежай қызметкері кешіккен жолаушыны рейске жібере алмайды.

Егер сіз рейске тіркеу процедурасын белгіленген мерзімде аяқтай алмасаңыз немесе белгіленген уақытқа отырғызуға келе алмасаңыз, сіздің брондауыңыз жойылады және жолаушы рейске жіберілмейді. Тарифтің түріне қарамастан, билеттің 100 %-н жоғалтып, құнын қайтарып ала алмайсыз. Осындай залалдарды өтеу үшін сізге сақтандыру полисін ресімдеуді ұсынамыз.

Әуекомпания сайтына тіркеліп, барлық жаңалықтар мен болашақта болатын жеңілдіктерді өзэлектронды поштаңыздан көре аласыз.

Әуекомпания отырғызу талондары мен әуе тасымалы үшін төлемді растайтын құжаттарды (фискалды чек, төлем картасының транзакциялық көшірмесі, төлем тапсырысы) сақтауыңызды өтінеді. Өйткені электронды билетпен қоса, бұл құжаттардың бар болуы (шетелге сапар жасағанда мемлекеттік шекараны шеккені туралы төлқұжаттағы мәліметтер көшірмесі) әуе тасымалы шығындарын салық есептеу формасына шығын ретінде енгізуге, сондай-ақ электронды билет құнына ҚҚС-ын енгізуге құқық береді.

Кейбір әуежайлар әрбір ұшып шығатын жолаушыға «кету салығын» орнатады. Мұндай салық көп жағдайда әуебилетінің бағасына кіреді. Алайда, кейбір әуежайлар оны жолаушыға тікелей төлеуге міндеттейді. Әуебилет онлайн арқылы брондалғанда әуежай алымы әуебилет бағасына кіреді.