Алматыдан Павлодарға ұшып бару: Қазақстан бойынша арзан әуебилеттер
Алматыдан Павлодарға сапар жоспарлап отырсыз ба? Ұшақ билеттерін дәл қазір ең ұтымды бағаға брондаңыз! FlyArystan күнделікті рейстерді A320 Airbus типті жайлы лайнерлермен орындайды.
Алматы мен Павлодар арасындағы рейстердің жиілігі аптасына 14 рейске дейін арттырылды - күнделікті екі рейс. Қыркүйек айына да билет сатылымы ашылды – күн сайын 2 рейске дейін.
Алматы – Павлодар рейстерінің кестесі
Қазақстандық лоукостер Алматыдан Павлодарға баратын әуерейстерді күнделікті жүзеге асырады. Бұл таңғы рейстер болғандықтан, Павлодарға бизнес келіссөздер жүргізуге келген адамдарды қатты қызықтырады. Пойызбен, автобуспен немесе тіпті жеке автокөлікпен шамамен бір тәулік кететін 1449 км қашықтықты жүріп өткен соң, адам қатты шаршайды және зейін қою қиынға түседі.
Ал екі сағаттан кем уақыт алатын Airbus 320 лайнеріндегі таңғы рейс Алматыдан Павлодарға жетудің әлдеқайда жайлы және жылдам әдісі болады. Бұл бизнес келіссөздер үшін ғана емес, әртүрлі форумдардың, конференциялардың, жарыстардың қатысушылары және енді Павлодардағы ата-анасына жиі келіп тұра алатын Алматының оқу орындарының студенттері үшін де маңызды.
Алматыдан Павлодарға арзан әуебилеттерді сатып алу тәсілдері
Қазір Павлодарға әуебилетті үйде, жұмыста немесе кафеде отырып интернет арқылы сатып алуға болады, бұл үшін тіпті Алматыда болудың да қажеті жоқ, қолыңызда интернеті бар девайс болса жеткілікті. Интернет арқылы әуебилет сатып алу үшін бар болғаны жолаушылар санын, билет түрлерін (ересек/бала), сапар күнін және қажетті қосымша қызметтерді таңдау керек. Бұдан кейін төлқұжат деректерін енгізіп, қайта тексеріп, электрондық билет ақысын төлейсіз. Сайтымыздың интерфейсі қарапайым әрі түсінікті болғаны соншалықты, ешнәрсені шатастырып алу мүмкін емес.
Алматы – Павлодар бағытында ұшу сапарын әлдеқайда үнемді ету тәсілдері
FlyArystan ұшақтарының билеттері әдеттегіден арзан тұрады, себебі бұл лоукостер, алайда әуебилет құнын одан да қолжетімді ететін кішкене қулықтар бар:
- Әуекомпания сайтындағы жаңалықтарды қадағалап бастаңыз. Бұл үшін сайттағы email таратуларға және әуекомпанияның әлеуметтік желілеріне жазылған жөн. Осылайша сіз айтарлықтай арзан билеттерге жасалған акцияларды бақылай аласыз, бұл әсіресе демалысыңызды енді жоспарлап, нақты күн маңызды болмаған жағдайда тиімді.
- Алматы – Павлодар ұшағының ұшып кету және қайту билеттерін сатып алыңыз, сонымен қатар оларды ертерек алуға тырысыңыз, себебі ұшып кету күніне неғұрлым көп уақыт қалса, ұшақ билеттері соғұрлым арзан болады.
- Лоукост билеттердің арзан болу себептерінің бірі – олардың құнына қол жүктен басқа жолжүкті тасымалдау кірмейді. Жолжүкті ертерек, ұшақтың электрондық билетін брондау кезінде сатып алған тиімді, себебі әуежайда жолжүк құны FlyArystan сайтындағы құннан қымбат болады.
- Ұшақтағы тамаққа брондау кезінде тапсырыс беріңіз. Әуекомпания кез келген талғамға сай тағамдары бар тамаша комбо мәзір ұсынады. Қалауыңызға қарай тауық етінен немесе ірімшіктен жасалған сэндвич, салат, печенье, шоколад, жаңғақ, кесіп қуырылған нан, ал сусындардан шай, кофе, шырын, жергілікті сыра ұсынылады.
FlyArystan әуекомпаниясының артықшылықтары
Алғашқы қазақстандық лоукостер FlyArystan компаниясының сенімділігі күмән тудырмайды, себебі ол бәріне танымал және өзін жақсы жағынан танытқан әуетасымалдаушы Air Astana компаниясының еншілес компаниясы болып табылады. Сондықтан жолаушы тасымалдары толығымен халықаралық стандарттарға сәйкес келетініне сенімді бола аласыз. Компания әуепаркі кіші және орташа қашықтықтарға арналған үздік тарфюзеляжды ұшақтардың бірі болып саналатын Airbus 320 заманауи әуелайнерлерінен тұрады. Сапарды жайлы ету үшін FlyArystan барлық жолаушыларға алғашқы болып отыру мүмкіндігін сатып алу немесе ұшақтағы орынды таңдау мүмкіндігін береді.
