Халықаралық бағыттар

Халықаралық паспорттың жарамды екеніне көз жеткізіңіз. Паспорттың қолданылу мерзімі сапар аяқталғаннан кейін 6 айдан кем болмауы керек.

Шекаралық бақылаудың кедергісіз өтуі үшін шетелге шығуға тыйым салынған борышкерлердің тізімін бір тексеруді ұсынамыз .

Шет елге саяхаттау кезінде сіз сол мемлекеттің заңдарына бағынып, оны қатаң сақтауыңыз керек.

Шетелде болған кезде медициналық сақтандыру полисін сатып алуға кеңес береміз.

Барғалы жатқан елде сізге қажет дәрі-дәрмектердің болуы туралы ақпаратты алдын-ала сұраңыз.

2022 жылдың 15 маусымынан бастап шетел азаматтарына Грузияға кіру үшін ПТР тест/вакцинация паспорты қажет емес. Грузияға ұшатын жолаушыларда кері билет болуы керек.

Грузияда қосымша қызметтерді әуежайда қолма-қол ақшасыз тәсілмен төлегенде комиссиялық алымдар алынады.

2023 жылдың 28 наурызынан бастап шетел азаматтарына Әзірбайжанға кіру үшін барлық ковид шектеулері күшін жояды. 

Шет мемлекеттердің азаматтары, сондай-ақ азаматтығы жоқ адамдар елге кірген кезде вакцинация паспорты талап етілмейді. Сондай-ақ вакцинация паспортынсыз мерекелік үйлерге, спорт және сауықтыру нысандарына, ірі сауда орталықтарына, қонақүйлерге баруға және қалааралық көлікпен жүруге рұқсат етіледі.

2023 жылғы Формула 1 Әзірбайжан Гран-приіне байланысты Әзірбайжан Республикасына келетін шетелдіктер мен азаматтығы жоқ адамдар 2023 жылдың 1 сәуірінен 15 мамырына дейін Әзірбайжан Республикасының халықаралық әуежайларына келген кезде виза ала алады.

Виза алу үшін төменде көрсетілген құжаттардың бірі қажет:

• Формула 1 жарыстарының халықаралық ұйымдастырушылары «Formula One Management Limited» компаниясы мен Халықаралық автомобиль федерациясының тиісті ережелеріне сәйкес аккредиттеу картасы немесе аккредиттеуді растайтын басқа құжат.
• Баку қалалық айналымы операциялық компаниясының аккредиттеу картасы.
• Билет/электрондық билет немесе 2023 жылғы Формула 1 Әзірбайжан Гран-приіне билет сатып алынғанын растайтын құжат.

Қазақстан азаматтарына Үндістан Республикасына саяхаттау үшін виза қажет, ол алдын ала рәсімделуі тиіс.

Электрондық виза қызметтерін пайдалану үшін https://indianvisaonline.gov.in/evisa/tvoa.html сайтында e-Visa алуға онлайн өтінім толтырыңыз.

Қосымша ақпаратты осында табуға болады.

Пандемия кезінде белгіленген Арменияға кіру талаптары өз күшін жойды Енді әуежайларда орнатылған бақылау-өткізу пункттері арқылы кіру кезінде ПТР сынамасын немесе вакцинация төлқұжатын көрсету қажет емес.

Ресей Федерациясының ішкі төлқұжаттары бар азаматтар Өзбекстан Республикасы Үкіметінің қаулысына сәйкес, Ресей Федерациясына/Ресей Федерациясынан тікелей рейстерде ғана кіруге/шығуға рұқсат етіледі. Қазақстанға немесе Қазақстаннан Ресей Федерациясының ішкі төлқұжаттарымен келетін/кететін жолаушыларды шекара қызметі өткізбейді.

• Бұл ереже Қазақстан Республикасының жеке куәлігімен Өзбекстан арқылы Ресей Федерациясына ұшқысы келетін Қазақстан Республикасының азаматтарына да қатысты, шекара қызметі бұл жолаушыларды жібермейді.

Өзбекстанда үш күннен артық болатын  жолаушылар келгеннен кейін үш жұмыс күні ішінде жергілікті полиция қызметіне тіркелуі керек. Қонақ үйде тұратын жолаушылар үшін тіркеуді қонақүй жүзеге асырады. Өзбекстаннан шыққан кезде тіркелу қатаң тексеріледі.

Қайту билеттері жоқ Қазақстан азаматтарына  елге кіруге тыйым салынуы мүмкін.

Ресей Федерациясының ішкі төлқұжаттары бар азаматтар Қырғыз Республикасы Үкіметінің қаулысына сәйкес, Ресей Федерациясына/Ресей Федерациясынан тікелей рейстерде ғана кіруге/шығуға рұқсат етіледі. Қазақстанға немесе Қазақстаннан Ресей Федерациясының ішкі төлқұжаттарымен келетін/кететін жолаушыларды шекара қызметі өткізбейді.

• Бұл ереже Қазақстан Республикасының жеке куәлігімен Қырғызстан арқылы Ресей Федерациясына ұшқысы келетін Қазақстан Республикасының азаматтарына да қатысты, шекара қызметі бұл жолаушыларды жібермейді.

2023 жылдың 29 сәуірінен бастап Қытайға барлық шет елдерден әуе арқылы келетін жолаушылар ПТР сынағының орнына антиген сынамасын пайдалана алады. Теріс сынақ нәтижесін алған жолаушылар (қағаздағы нәтиже талап етілмейді) «Кіру/кету кезіндегі денсаулық сақтау картасын» толтырып, WeChat «Жолаушыларға кедендік қызмет көрсету» қосымшасында, «Портативті кеден» қосымшасында немесе сайтта құжаттарды декларациялауы тиіс. Қытайға кірудің толық талаптарын мына сілтемеден табуға болады.

Жарамды визасы бар Қытай, Қазақстан және басқа елдердің азаматтары үшін Қытайға кіруге рұқсат етіледі.

Барлық жастағы жолаушылар ұшуға дейін 48 сағат ішінде ПТР тестінен немесе антиген жинағы арқылы өзін-өзі тестілеуден өтуі тиіс. ПТР орыс тілінде, кету елінің ресми тілінде немесе ағылшын тілінде рұқсат етіледі.

Қазақстан Республикасы азаматтарының Қытайға саяхаттау үшін жарамды виза қажет. Толығырақ осында

2020 жылдың 28 наурызына дейін берілген және мерзімі аяқталмаған жарамды визасы бар жолаушылар, сондай-ақ дипломатиялық/қызметтік/courtesy паспорттарының немесе С санатындағы визалардың иелері, 2020 жылдың 3 қарашасынан кейін берілген визасы бар жолаушылар және шақыру хаты бар жолаушылар Қытайға кіре алады.

2022 ж. 8 маусымнан бастап ҚР азаматтары мен шетелдіктер үшін вакциналау мен ПТР растау талаптары алынып тасталады.